"ظلم كبير".. ناصر ماهر يفتح النار بعد استبعاده من قائمة منتخب مصر

فتح ناصر ماهر، لاعب الزمالك، النار على الجهاز الفني لمنتخب مصر بقيادة حسام حسن، بعد استبعاده من قائمة “الفراعنة” خلال فترة التوقف الدولي المقبلة في شهر نوفمبر الجاري.

وأعلن حسام حسن، اليوم السبت، القائمة النهائية التي تخوض توقف نوفمبر، حيث ضمت 26 لاعبًا، لم يكن من بينهم ناصر ماهر.

ماذا قال ناصر ماهر عن استبعاده من قائمة منتخب مصر؟

ونشر ناصر ماهر قصة عبر حسابه الرسمي على موقع "إنستجرام"، كتب فيها: “أنا آسف إني بنزل الكلام ده، لأنه مش طبعي خالص، بس بصراحة الوضع محبط جدًا بالنسبة لي بسبب قائمة منتخب مصر”.

وأوضح: “بكل صدق، أنا شايف إني أستحق أكون متواجد على الأقل ضمن المنتخب، خصوصًا إن الموضوع واضح إنه مش فني خالص”.

وأضاف: “كل النقاد والمحللين والصحفيين والجماهير المصرية، حتي الناس العادية بيتكلموا كويس جدًا عن أدائي في الفترة الأخيرة”.

وأردف: “بصراحة، اللي حصل ظلم ظلم كبير جدًا، وده مالوش علاقة بالكورة”. 

وأتم: “المجهود اللي بذلته كله يروح كده على الفاضي، وأحلامي تضيع بكل سهولة كأنها حاجة عادية، رغم إني عملت كل اللي المفروض أعمله، بجد حرام اللي بيحصل ده يحبط أي جبل”.