مصطفى يونس بعد انتهاء إيقافه: أنا مش بخاف ومش هسكت على الغلط

أطلق مصطفى يونس، نجم الأهلي السابق، تصريحات قوية عقب انتهاء فترة إيقافه من قبل المجلس الأعلى للإعلام، بعد العقوبة التي صدرت ضده بسبب هجومه السابق على مجلس إدارة النادي الأهلي.

وقال يونس في فيديو نشره عبر "يوتيوب": "الحمد لله، انتهى إيقافي، وأنا هلتزم بالكود الإعلامي لأنه واجب علينا كلنا، لكن الالتزام مش معناه إني هسكت لو شوفت حاجة غلط، ده لا تاريخ ولا أسلوب مصطفى يونس".

وأضاف: "لو شوفت حاجة غلط مش هسكت، مش في الأهلي بس، في كل الأندية. أنا مش بخاف غير من ربنا، ومش بعد العمر ده كله هخاف".

رسائل مباشرة للنادي الأهلي والجماهير

وتابع: "حبي للنادي الأهلي عمره ما هيتغير، لأنه هو اللي عمل مصطفى يونس. اللي ميصونش معايا العيش والملح، أنا مش هصون معاه مفيش حاجة بيني وبين الأشخاص داخل النادي، كلامي على الكيان نفسه".

وأكد أنه لن يعيد الحديث في الملفات السابقة احترامًا لقرارات المجلس الأعلى للإعلام، لكنه سيواصل انتقاد الأخطاء الفنية: "لو شوفت حاجة غلط في الكورة هطلع أتكلم، لأني عايز أشوف الأهلي أحسن حاجة في الدنيا.. والناس عرفت مين بيقبض".