شيكابالا يستعيد ذكريات محمد صبري ويطالب بوقف التجاوزات اللفظية
وجّه محمود عبد الرازق "شيكابالا"، نجم الزمالك السابق، رسالة قوية لجماهير كرة القدم، طالبًا فيها بوقف التجاوزات اللفظية ضد اللاعبين وأسرهم، مؤكدًا أن هذه السلوكيات لا تحقق أي فائدة وتترك أثرًا نفسيًا سلبيًا على اللاعبين.
وقال شيكابالا، خلال تصريحات تليفزيونية: "إنت النهاردة بتشتم لاعب بأمه ووالدته ومراته، هتستفاد إيه؟ إنت النهاردة ممكن تشتمه.. وبكرة مش هتلاقيه موجود، هتقول يا ريتني مكنتش شتمته وهو راح وهو زعلان مني، اللاعب ليه أهل ولازم إحنا بنشجع نبقى عارفين دا. بلاش دايمًا نشوف الحتة المكسورة وندوس عليها. إحنا في لحظة كلنا مش موجودين".
وفي حديثه عن جيله وأسطورة الزمالك محمد صبري، كشف شيكابالا عن ذكريات جميلة تربطه بالكابتن الراحل عن الملاعب: "جيل محمد صبري كان مليان نجوم، لكن جمهور الزمالك ارتبط بالتيشيرت اللي لابسه بسبب محمد صبري، كنت وقتها عندي 15 سنة ولما اتصعدت للتدريب مع الفريق الأول كنت في قمة الفرحة إني بتدرّب مع الكابتن محمد صبري".
وأضاف: "محمد صبري أحبه الناس مش علشان بطولات أو أهداف، لكن لأنه كان منهم… بيحس بيهم ويفرح زيهم ويدافع عن النادي كأنه مشجع واقف في المدرجات".
واختتم شيكابالا حديثه بقوله: "أنا صغير كان حلم حياتي إني أتمرن معاه، وأول يوم اتدربت فيه جنبه، اتصلت بأهلي وقلت لهم: أنا كنت بجري جنب الكابتن محمد صبري".
