أول حوار مع سارة خالد بعد انتقالها للنادى الأهلى

حققت حلمي بالانتقال إلى النادى الأهلى و أشكر كل المدربين الذين ساعدوني 

نجحت إدارة التعاقدات بالنادي الأهلي في التعاقد مع اللاعبة سارة خالد لمدة ثلاث سنوات قادمة، لتكون الصفقة الأولى لفريق كرة القدم للسيدات بالنادي في الموسم الجديد.

وكان لموقع "أوفسايد" هذا الحوار الخاص مع لاعبة النادي الأهلي سارة خالد، حيث تحدثت عن بدايتها مع كرة القدم وتفاصيل انتقالها إلى القلعة الحمراء.

 كلمينا عن بداية مشوارك في كرة القدم؟
بدأت لعب كرة القدم في الشارع وظهرت موهبتي. والدي اتقال له إني كويسة في الكورة ولازم أروح نادي، وفعلاً رحت نادي الشرقية ودي كانت البداية.

 بعد بدايتك في الشرقية، إيه الأندية اللي لعبتي فيها بعد كده؟

ماذا  عن فترة وجودك في المنتخب؟
السنة اللي فاتت رحت المنتخب ولعبت ماتشين وديين مع المغرب، وظهرت بمستوى كويس، لكن للأسف جالي في الماتش التاني إصابة في الرباط الصليبي، والحمد لله دلوقتي رجعت.

 من هم  المدربين كان لهم الفضل عليكي في مشوارك؟

بعد ما لعبت في نادي الشرقية، لعبت في نادي بروسيا مصر، ومنه لعبنا ماتش ودي مع فريق المؤسسة في إسكندرية، وهناك كابتن إكرامي اكتشفني وأخذني ألعب في المؤسسة. بعد كده لعبت في نادي الو إيجيبت، وبعدها رحت أكاديمية الأهلي لمدة ثلاث شهور، وبعد كده رحت نادي فيوتشر.
كل المدربين اللي اشتغلت معاهم كان ليهم الفضل عليا، ومنهم الكابتن فايزة حيدر اللي اشتغلت معاها في فيوتشر.
وكابتن إكرامي فرج اشتغلت معاه في المؤسسة واشتغلت معاه كمان في الو إيجيبت، وكان دايمًا معايا وله فضل كبير عليا.

 كم مدة تعاقدك مع النادي الأهلي والمفاوضات كانت مع مين؟
كلمني الكابتن شادي محمد، والكابتن إكرامي، والكابتن آيات عبد الخالق، وأنا وقعت عقدي مع النادي لمدة 3 سنوات.

 إحساسك إيه بعد الانضمام للنادي الأهلي؟
فرحانة جدًا بالخطوة دي، وأتمنى أكون إضافة للنادي ونقدر نفرح جماهيره الكبيرة.

 ما هو طموحك مع النادي الأهلي الفترة القادمة؟
أتمنى أحقق مع النادي الأهلي بطولة الدوري، وبطولة دوري أبطال إفريقيا، وكل البطولات اللي نشارك فيها