كل حاجة مفيش .. لاعبة الطيران تفتح النار على مجلس الإدارة
تحدثت اللاعبة مروة محمد لاعبة نادي الطيران عن الأزمات المتتالية التي تتعرض لها داخل نادي الطيران الفترات الأخيرة ،مطالبة بضرورة إيجاد حلول لتلك المشاكل أو الرحيل عن النادي.
قالت مروة محمد ، أن شعار مجلس إدارة نادي الطيران هو "مفيش " وبالفعل مفيش أي حاجه متوفرة داخل النادي حتى أبسط الحقوق وهى المستحقات التي تتأخر لفترة تصل لـ ثلاث شهور .
وأكدت اللاعبة، أن الفريق تعرض للكثير من المشاكل والأزمات خلال مباريات الدوري وخاصة في المباريات الخارجية والتي لا يتوفر فيها الإقامة حتى ولو ليلة واحدة في أحد الفنادق ،وخاصة أن معظم لاعبات الفريق من الأقاليم ويخرجون من منازلهم فجراً حتى يتمكنوا من الوصول للنادي مبكراً.
وتابعت ، “وكمان مفيش وسيلة مواصلات مريحة الفريق بيسافر في ميني باص ومبتقدرش تفرد رجلك طول الطريق وكمان نسافر ونرجع في نفس اليوم” .
وواصلت مروة ، “إن إدارة النادي حتى الزي مبتوفروش فتلاقي كل لاعبة جايه بلبس بلون مختلف وكمان مفيش وجبات بتطلع من النادي للفريق” .
وأختتمت مروة تصريحاتها ، عن أصعب المشاكل داخل الطيران صرحت ، “إن الفريق إتكلم قبل كده أكتر من مرة في أزمة البطء في التحرك لإجراء عمليات للاعبات التي تعرضت لإصابة الرباط الصليبي ،وحتى الأشعة اللي المفروض تتعمل بعد الإصابة مباشرة بتتأخر ولما بنروح النادي بنلاقي تأجيل كل يوم بسبب مختلف مفيش فلوس مفيش حد يمضي على الشيك كلها أسباب عشان ياخروا إجراء العملية” .
