شيكابالا يوجه رسالة لإدارة الزمالك: قربوا الجمهور وخلونا كلنا ورا النادي
حرص محمود عبد الرازق شيكابالا، نجم نادي الزمالك السابق، على توجيه رسالة قوية لمسؤولي القلعة البيضاء، في ظل الأزمات الأخيرة المتعلقة بجماهير الفريق خلال الفترة الماضية، مطالبا بضرورة احتواء الجماهير والاقتراب منهم في المرحلة الحالية.
ماذا قال شيكابالا في تصريحاته؟
وقال شيكابالا، خلال تصريحات تلفزيونية: “مينفعش جمهور الزمالك يبعد، لازم دايما تقرب جمهورك منك، حصلت ظروف والجمهور ما قدرش يساند اللعيبة قدام زيسكو في زامبيا، لكن ده مش مبرر للبعد”.
وأضاف: “لازم تساعد جمهورك بكل قوة، ومينفعش نطلع نقول أصل شيكابالا بيكلم مين علشان نتشتم في المدرجات، الكلام ده مرفوض”.
وتابع قائد الزمالك السابق: “جمهور الزمالك محدش يعرف يوجهه أو يفرض عليه يعمل إيه وما يعملش إيه، ده جمهور كبير وواعي”.
وواصل شيكابالا حديثه قائلا: “أي حد عنده مشكلة مع أي شخص، ياريت يقفل بقه دلوقتي، ونركز كلنا ورا الزمالك في الفترة الصعبة اللي بيمر بيها النادي”
واختتم شيكابالا تصريحاته بالتأكيد على دعمه للفريق، قائلا: “هكون موجود في الاستاد إن شاء الله يوم مباراة كايزر تشيفز”.
موعد مباراة الزمالك المقبلة في الكونفدرالية
ومن المقرر أن يلتقي الزمالك مع كايزر تشيفز الجنوب إفريقي، يوم السبت المقبل، على استاد هيئة قناة السويس، ضمن منافسات الجولة السادسة من بطولة الكونفدرالية الإفريقية.
