لم نبدأ بأفضل تشكيل.. ميدو يعلق على هزيمة الزمالك أمام إنبي
علق أحمد حسام ميدو لاعب الزمالك السابق عن هزيمة الفارس الأبيض أمام إنبي في بطولة الدوري المصري الممتاز وذلك عبر حسابه على موقع التواصل الإجتماعي إكس.
وقال ميدو:"مباراة للنسيان ل الزمالك لم نبدأ بأفضل تشكيل وكان يجب الصبر على محمد السيد إلى ما بين الشوطين ونزول أدم كايد بدلا منه في الوقت اللي انبي لعب بكثافة دفاعية كنا محتاجين لاعيبه تعرف تستلم الكورة بين الخطوط وتعمل مشاكل لدفاع إنبي نزول عدي الدباغ فصل الثلاثي الهجومي عن وسط الملعب".
وأضاف ميدو:"مهما كنت مين ولو اكبر فرقة في العالم في ايام بتبقى مش بتاعتك ضربة جزاء في توقيت صعب والمهدي راح مع الكورة لو يومك هيصدها ويجيلك ضربة جزاء تطلع على الاقل بنقطة احسن لاعيب بيشوط ضربات جزاء في مصر يضيعها, لازم نقفل الصفحة ونلعب 6 ماتشات كلها ماتشات كؤوس لازم يبقى في هدوء أكثر وتعرف ان الفترة الجاية كل منظومة الكورة في مصر هتصدرلك كل المشاكل اللي ممكن يصدروهالك, اقفل ودنك لازم تعرف ازاي تتعامل مع الخسارة لأنها جزء من اللعبة خسرنا وممكن نخسر ثاني!! علشان كده بطل الدوري لازم يكون نفسه طويل وبيعرف يتعامل مع الأزمات".
نتيجة الزمالك وإنبي
وكان الفريق الأول لكرة القدم بنادي الزمالك تعرض للهزيمة أمام إنبي بهدف دون رد في بطولة الدوري المصري الممتاز.
