مصطفى زيكو عن هدفه أمام روسيا: لو كتبت السيناريو بإيدي مكانش هيبقى كده
أعرب مصطفى زيكو، لاعب منتخب مصر، عن سعادته الكبيرة بعد تسجيله هدف الفوز للفراعنة خلال المباراة الودية أمام روسيا، والتي أقيمت على استاد القاهرة الدولي ضمن استعدادات المنتخب لكأس العالم 2026.
ماذا قال زيكو في تصريحاته؟
وقال زيكو في تصريحات عقب المباراة: “لو كاتب السيناريو بإيدي مكانش هيبقى بالشكل ده، ربنا وحده العالم بفرحتي، أنا سعيد جدا وبحمد ربنا على اللحظة دي”.
وأضاف لاعب منتخب مصر أنه عاش أجواء استثنائية لأول مرة في مسيرته، مؤكدا تأثره الكبير بالحضور الجماهيري في استاد القاهرة، قائلا: “أنا بحسد اللاعبين اللي متعودة تلعب وسط جمهور بالعظمة دي، أول مرة أعيش الأجواء دي، وهدفي كان نفرح الشعب المصري”.
وتابع: “أنا مبسوط جدا إننا قدرنا نسعد الجماهير، وبشكر ربنا على الدعم والمحبة اللي شوفناها”.
كما تحدث زيكو عن طريقة لعبه، موضحا: “اللي بيتابعني يعرف إني لاعب منطقة جزاء، مليش في اللعب خارج البوكس، وده دوري اللي بحبه”.
واختتم تصريحاته بإهداء هدفه إلى مدربه السابق مجدي عبد العاطي، قائلا: “بهدي الهدف للكابتن مجدي عبد العاطي، لأنه صاحب فضل كبير علي، وهو اللي علمني الشغل ده”.
إقرأ أيضًا
منتخب مصر يختار جامعة جونزاجا الأمريكية مقرًا لمعسكره في كأس العالم 2026
تفاصيل تعاقد راسينج سانتاندير الإسباني مع بلال عطية لاعب الأهلي
