بعد جلسة جون إدوارد.. ناصر ماهر يكشف سبب رحيله عن الزمالك

كشف ناصر ماهر، لاعب نادي بيراميدز، تفاصيل رحيله عن صفوف نادي الزمالك خلال فترة الانتقالات الماضية، مؤكداً أن الأزمة المالية داخل القلعة البيضاء كانت السبب الرئيسي وراء اتخاذ هذا القرار.

ناصر ماهر يكشف سبب رحيله عن الزمالك

وقال ماهر في إعلامية : "الظروف المالية كانت صعبة أوي في النادي، واللاعبين بقالهم 5 شهور مفيش أي فلوس بتدخل ليهم".

وأضاف: "في يوم جون إدوارد قالي عاوزك بعد التدريب، وقالي إن فيه حاجة جايالك في الطريق بس لسه ما كملتش، وأكدلي إنه مش حابب ده بس مضطر يعمله غصب عنه".

وتابع لاعب بيراميدز: "بعدها بفترة وفي التوقف الدولي، جون قالي إن بيراميدز عاوزينك وفي عرض، وأنا ما كنتش حابب أمشي وأروح بيراميدز، لأني برغم الظروف الصعبة دي كنت مبسوط مع جمهور الزمالك".

وأوضح ماهر: "لكن جون قالي مفيش حد جاله عروض غيرك وأنا مضطر لده، فقبلت في النهاية عشان مصلحة النادي".

واختتم تصريحاته بالإشادة بفترته في الزمالك قائلاً: "رغم الأزمات والمشاكل المالية، أنا كنت لاقي نفسي ومبسوط من أول يوم دخلت فيه الزمالك. استقبلني شيكابالا وجوزيه جوميز اللي كان أفضل مدرب تدربت معاه في مسيرتي، وخدت بطولات مع النادي في الفترة الصغيرة دي. أنا خدت قيمتي وتقديري وخدت جماهير كبيرة مع الزمالك، وكانت أفضل فترة في حياتي".