نجم الزمالك السابق ينتقد عبد الله السعيد: محتاح حد يشيله

انتثد بشير التابعي، نجم الزمالك ومنتخب مصر السابق، اداء ناديه في مباراة القمة ضد الأهلي التي انتهت بفوز الأحمر بهدفين نظيفين كما انتقد أداء عبد الله السعيد.

بشير التابعي يتحدث عن القمة وعبد الله السعيد 

وقال التابعي، في تصريحات تلفزيونية: «كنت متوقع إن الزمالك يخسر 4 أو 5 أهداف، وأنا منمتش من امبارح، وكنت خايف الزمالك يخسر 6 أو 7 أهداف. إحنا معندناش مدرب ولا فريق ولا فلوس، وكان فيه تراجع في الأداء».

وعن عبد الله السعيد قال بشير التابعي : «عبدالله السعيد محتاج حد يشيله، والـ13 نقطة بتوع الزمالك هيقفوا شوية حلوين، لأن الزمالك بيحصل له انتكاسة بعد خسارته من الأهلي».

وأضاف: «أنا متحفظ على أداء الفريق، وعمري ما شوفت فتوح مع بنتايج بيلعبوا كويس، وأنا بخسر الاتنين لما بيلعبوا مع بعض، ومتحفظ على تشكيل الزمالك».

وتابع: «الناس دي مش فاهمة حاجة، والإعلام المغربي بيتكلم عن عموتة، هو عموتة عمل إيه؟ ومصطفى شوبير دلوقتي ممكن تتوقع منه أي حاجة».

وواصل التابعي انتقاداته لاختيارات الزمالك، قائلًا: «أنا شايف إن أي لاعب عندي بيلعب كويس أفضل من شيكو بانزا، والمفروض أستفيد من كل اللاعبين اللي عندي، وناصر منسي كان لازم يلعب ماتش زي ده، حتى لو مش جاهز، وكان المفروض أدفع بعدي الدباغ لمدة 10 دقايق، حتى لو كان تعبان».

وعن أداء الأهلي، قال: «الأهلي كان داخل المباراة بتحفظ، بمعنى إنه لو مكسبش ما يخسرش»