زيزو يثير الجدل برسالة غامضة: “فكر في رزقك وسيب الناس"
اثار أحمد السيد زيزو نجم الفريق الأول لكرة القدم بالنادي الأهلي حالة من الغموض خلال الساعات القليلة الماضية بين الجماهير، بعدما نشر ستوري غامضة عبر حسابه علي إنستجرام.
ماذا قال أحمد زيزو عبر الانستجرام ؟
ونشر زيزو ستوري عبر حسابه الشخصي علي إنستجرام قائلا:" السؤال الوحيد و الأوحد اللي مش عايز يطلع من دماغي و نفسي الاقي لي إجابة! هو بجد لي حد يخوض في عرض الناس و يقعد يشتم فيهم و يسب و يتنمر و و و دا بيعود و لا بيرجع عليه ب ايه".
وواصل:" هل بيروح البيت يلاقي بيته اتغير، طيب بيبص تحت بيته يلاقي العربية اللي نفسه يجيبها ؟ طيب ولاده وصلوا للمكانة اللي بيتمناها ؟ طيب عيش ابوه و امه في حاجه يستحقوها ! مش قادر استوعب فعلاً الموضوع".
وزاد نجم الأهلي:" بلاش انت هل اللي بتخوض في عرضه دا و بتشتمه و تتنمر عليه بيصحى بعد شتيمتك دي مش شغال نفس الشغلانة؟ معدوش نفس البيت ؟طب و العربية ؟ حياتكو يعني اتغيرت ؟! الاجابه لا !! طيب ليه بتعمل كده ، عمال تكبر و تكثر في ذنوب الله اعلم هتعرف تمسحهم ولا لا و مفيش حاجه علي ارض الواقع بتتغير بعد الشتيمه دي كلها".
واختتم زيزو رسالته:" مش بتشوف كل الناس اللي فجاه مبقوش حواليك ؟ دي مش حاجه تخليك تتعظ ! تخليك تفكر أنا بعمل كده ليه و عشان ايه ! فكر كويس عشان و الله ما في حاجه مستاهله ، اعرف ان رزقك كده ربنا كاتبه لك و انت بتختار الطريق اللي بيجيلك بيها الرزق فا خليها دايما طريقك كويسه و افتكر دايما انها مش دايمه ، صباحكم جميل".
