أسطورة الأهلى يشكف المستور: لاعبي الأهلي غاضبون من رواتب "زيزو و عاشور"
انتقد حسام عاشور قائد الأهلي السابق، تضخم الأرقام داخل الأهلي حاليًا، مؤكدًا أن الأمور خرجت عن السيطرة، ولا بد من تدخل الإدارة ووضع سقف واضح للرواتب.
ما هى رواتب الجيل الذهبي للنادى الأهلى ؟
وقال عاشور خلال استضافته في برنامج "يا مساء الأنوار" الذي يقدمه الإعلامي مدحت شلبي على قناة MBC مصر: "أنا في وقتي كانت الفئة أولى بـ600 ألف جنيه، وكانت تضم أبوتريكة وبركات و وائل جمعة وعصام الحضري.
الفئة التانية كانت ما بين 450 أو 500 ألف. النهارده بنسمع عن لاعبين بياخدوا 100 مليون، وده رقم كبير جدًا ومبالغ فيه."
وأضاف نجم الأهلى"عندي معلومة إن في حالة استياء شديدة داخل الفريق بسبب تفاوت الرواتب بين إمام عاشور و زيزو و غيرهم، وده بيأثر على تركيز اللاعبين. ولازم الإدارة تتدخل وتحط نظام واضح يلتزم بيه الكل.
على صعيد آخر أضاف نجم الزمالك طارق السعيد "الأهلي مش عاوز يبيع وسام و بيطلب أرقام عالية جدًا، رغم إنه واضح مش لاقي بديل مناسب في الوقت الحالي."
وأكد طارق السعيد أن وسام أبو علي قدم مستويات مميزة في كأس العالم، ويُعد من أبرز المهاجمين حاليًا، قائلاً: "وسام مهاجم شبه متكامل، وبيستحق المبالغ المطلوبة فيه، بس اللي بيطلبه الأهلي مبالغ فيه جدًا، رغم إن النادي هيكسب تقريبًا 6 مليون دولار لو تمت الصفقة."
