الزمالك يرد على تصريحات ناشئ الفريق بعد هجومه على النادي
أكد بدر حامد رئيس قطاع الناشئين بنادي الزمالك، أن عمار ياسر واحد من ابرز المواهب في قطاع ناشئين النادي.
وقال حامد في تصريحات مع كريم رمزي عبر برنامج لعبة والتانية على راديو ميجا إف ام:عمار ياسر واحد من اللاعيبة المهمة بالنسبة لنا ونحترمه للغاية وليس لدينا اي أزمات معه.
واضاف: ربما يكون عدم تصعيده للفريق فالأول وراء هذا الاستوري ولكن ليس هناك اي أزمة بخصوص اللاعبً.
واختتم بدر حامد تصريحاته قائلا: سنتواصل مع عمار ياسر لمعرفة احتياجاته وخلال ساعات الأمور ستكون على ما يرام.
ماذا قال عمار ياسر ناشئ الزمالك عبر انستجرام ؟
ونشر عمار ياسر ناشئ الزمالك مواليد 2005 عبر حسابه الرسمي الانستجرام، "أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده.. وأنا من ساعة ما رجعت للناشئين من سنة وأكثر وأنا بتعامل بأسوأ معاملة عكس باقي زمايلي.
وشدد عمار ياسر ،علي أن للأسف ولا كأني كنت طالع غضب عن حد، أو واخد مكان حد من السنة اللي فاتت لحد دلوقتي بيجيلي عروض إعارة وبيع، وكلها كانت بترفض من غير ما أعرف مين السبب.
وتابع ناشئي الزمالك، من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ومعترفتش. ولما أتكلم حد، بيقولوا مفيش فلوس وإن النادي بيمر بأزمة، طب أنا أعيش إزاي وأصرف منين؟.. بعد كل ده، مطلوب منك تيجي التمرين وتلعب ومتتكلمش.. أنا مش بشتكي، أنا بس حبيت أعرف الناس أنا في إيه وبيمر بي إيه.
