شيكابالا يكشف عن السلاح السري الجديد للزمالك ويؤكد: الظهير الأيمن في الطريق

أكد محمود عبد الرازق "شيكابالا" قائد الزمالك السابق، أن النادي يشهد في الوقت الحالي نظامًا إداريًا مختلفًا يقوم على السرية والالتزام، وهو أمر لم يكن موجودًا في السابق.

وقال شيكابالا في تصريحات تليفزيونية عبر قناة MBC مصر: "السرية اللي بتحيط بفريق الزمالك دلوقتي سيستم جديد ماكانش موجود قبل كده، دلوقتي الجمهور مش بيعرف كل التفاصيل اللي بتحصل جوه، وده في حد ذاته ميزة لأنه بيدي ثقة أكبر في الجهاز الفني والإدارة".

الزمالك لأول مرة بقى عنده نظام واضح

وأضاف: "الزمالك لأول مرة بقى عنده نظام واضح، ومهما كان في مشاكل أو تحديات، مفيش حاجة بتتسرب، وده بيدي استقرار وراحة للأجواء داخل الفريق".

وتطرق شيكابالا إلى ملف الصفقات، مؤكدًا: "الزمالك شغال على تدعيمات مهمة، وفي احتمال كبير إن النادي يضم ظهير أيمن صغير في السن خلال الفترة الجاية، عشان يكون بديل وامتداد للمستقبل بجانب عمر جابر".

وعن علاقته بالجماهير بعد الاعتزال، قال قائد الزمالك السابق: "أعظم حاجة حصلتلي إني شفت لافتة باسمي في المدرجات، اللحظة دي هتفضل محفورة في قلبي، ومتابعة المباريات من المدرجات بقت أصعب عليّ من اللعب نفسه، لأن في الملعب كان عندي فرصة أقدم حاجة، لكن دلوقتي كل اللي بقدر أعمله إني أشجع زي الجماهير".