عمرو أديب يطالب الرئيس السيسي بإنقاذ أرض الزمالك في 6 أكتوبر: روح النادي في خطر
علّق الإعلامي عمرو أديب على أزمة أرض نادي الزمالك بفرع 6 أكتوبر، مؤكدًا أنها تمثل الأمل الأكبر للنادي في النهوض من جديد، ومهاجمًا بشدة المستشار مرتضى منصور، الرئيس السابق للزمالك، الذي اتهمه بالمسؤولية المباشرة عن الأزمة الحالية.
"أرض الزمالك مش كمبوند"
قال أديب خلال برنامجه الحكاية عبر فضائية MBC مصر: "أرض أكتوبر هي أمل نادي الزمالك.. النادي مش واخد الأرض عشان يعملها كمبوند، ده نادي دولة كبير وجماهيره بالملايين. المجلس الحالي بيحاول يقف على رجليه بعد فترة دمار وخراب تركها مرتضى منصور".
نداء إلى الدولة
وأضاف: "بناشد الرئيس السيسي ورئيس الوزراء التدخل العاجل لإنقاذ أرض الزمالك النادي ده من 1911 وهو مؤسسة رياضية كبيرة، مش معقول يتعطل مستقبله بسبب شخص واحد أرض أكتوبر دي روح النادي ولازم ترجع للزمالك علشان يقدر يبدأ استثماراته ويقف على رجليه".
وواصل هجومه قائلًا: "مرتضى منصور وقراراته دمّروا الزمالك بالديون واللاعبين اللي جابهم، والنهارده النادي بيدفع الثمن. هو اللي قدّم البلاغ ضد الأرض، وهو اللي عايز يوقف حال النادي".
واختتم عمرو أديب تصريحاته: "أنا مفوض من جمهور نادي الزمالك أطالب بحق النادي في أرض أكتوبر الزمالك مش بتاع أفراد، الزمالك مؤسسة من مؤسسات الدولة لازم الكل يعرف إن الأرض دي هي مستقبل النادي في الكرة والاستثمار".
