حسام غالي: "أحلم برئاسة الأهلي.. لكن لن أخوض معركة بالخناجر"
أطلق حسام غالي، عضو مجلس إدارة النادي الأهلي، تصريحات مثيرة حول مستقبله داخل القلعة الحمراء وموقفه من تولي رئاسة القلعة الحمراء يومًا ما، مؤكدًا أن حلمه قائم لكنه يرى أن التوقيت الحالي لا يسمح له بخوض هذه المعركة.
وقال حسام غالي، في تصريحات تليفزيونية: "ممكن أكون شايف نفسي رئيسًا للنادي الأهلي في يوم من الأيام، وأقدر أحقق طموح الجماهير اللي بتشوفني في المكان ده، أنا اتربيت على مبادئ وقيم الأهلي وحافظ شخصية النادي كويس جدًا".
غالي يحدد موقفه من رئاسة الأهلي
وأكمل عضو مجلس إدارة الأهلي، قائلًا: "لكن عندما دخلت الإدارة شفت الدنيا بوضوح أكبر، الوضع أصعب مما تخيلت، طول عمري ماسك سيف ودرع من وأنا لاعب، كنت بحارب إعلاميين وجماهير وحتى مدربين مش واثقين فيا، ومخدتش استراحة المحارب".
وأردف: "لكن دلوقتي مش قادر أمسك السيف والدرع تاني وأدخل المعركة دي، بعد ما شفت قسوة الموقف وشراسة الصراعات".
وتابع نجم الأهلي السابق: "في ناس بتحاول تشويه صورتي لأن الجمهور شايف إني أقدر أبقى رئيس للنادي، في خناجر بتتغرس في الضهر، وأنا مش من نوعية اللي بيحاربوا بالحروب غير النزيهة، لو هحارب، هحارب وش لوش وبمجهودي وعرقي".
واختتم حسام غالي حديثه قائلاً: "الحلم موجود والرغبة موجودة، لكن التوقيت مش مناسب دلوقتي، هدفي دايمًا رد الجميل لجمهور الأهلي اللي واقف جنبي".
