سيد عبد الحفيظ يتحدث عن دوره مع الأهلي الفترة المقبلة وتفاصيل جلسته مع الخطيب
أكد سيد عبد الحفيظ، المرشح على منصب عضوية مجلس إدارة النادي الأهلي، أن شعار القلعة الحمراء وقيمها يجب أن يكونا دائما فوق الجميع، مشددا على أن أي لاعب لا يُقدر قيمة قميص الأهلي فمكانه ليس داخل النادي.سيد عبد الحفيظ: الأهلي لا يقف على أحد.. ومن لا يُقدر القميص الأحمر مكانه خارج النادي
ماذا قال سيد عبد الحفيظ في تصريحاته؟
وقال عبد الحفيظ في تصريحات تليفزيونية: "أي حد مش مقدر شعار الأهلي ربنا يوفقه في أي مكان تاني، لأن اللي يهمنا هو هوية النادي وشخصيته مش الأسماء، الأهلي دايما بيكمل بعد رحيل أي لاعب، والتاريخ شاهد على كده".
وأضاف: "الكرة محتاجة حاجتين في الأهلي: عين تختار كويس، وقدرات مادية تدعم الاختيارات دي، وده لازم يكون دايما موجود في النادي، ومع أي فرصة لتقوية الفريق، الأهلي هيسعى يعمل كده".
وتابع عبد الحفيظ حديثه قائلا: "هراجع ملف رواتب اللاعبين الأول، لأن لازم يكون فيه عدالة وتوازن داخل الفريق، ولو في لاعب عقليته مش مناسبة لطبيعة الأهلي، يبقى مع ألف سلامة".
وعن ترشحه في انتخابات الأهلي المقبلة، قال: "قراري بالترشح جه بعد ما حسيت إن ممكن يكون ليا دور أقدر أفيد بيه النادي، شعرت بمسؤولية كبيرة من ردود فعل الأعضاء خلال الندوات الانتخابية، وإن شاء الله نكون على قد الثقة".
ماذا عند دوره الفترة المقبلة وكواليس اجتماعه بالخطيب؟
وأوضح عبد الحفيظ أنه عقد عدة اجتماعات مع الكابتن محمود الخطيب، رئيس النادي، وقال: "اتكلمنا عن المستقبل مش الماضي، وأنا مش شايل أي حاجة قديمة، الخطيب هو اللي اختارني، وهيكون هو المشرف على الكرة، المسمى مش فارق معايا، المهم الصلاحيات والاختصاصات تكون واضحة".
وختم عبد الحفيظ تصريحاته قائلا: "مجلس الأهلي الجاي هيكون قائم على العمل الجماعي، وكل فرد هيكون ليه اختصاص محدد، حتى لو حصل اختلاف في وجهات النظر بيني وبين الكابتن الخطيب، فده أمر صحي وطبيعي، لأن الهدف في النهاية مصلحة النادي الأهلي".
