عمرو أديب: مرتضى منصور فكرة يجب أن تموت.. وهيرجع السجن تاني

شن الإعلامي عمرو أديب هجومًا عنيفًا على المستشار مرتضى منصور، رئيس نادي الزمالك السابق، متهمًا إياه بالوقوف وراء البلاغ الذي تسبب في أزمة أرض النادي بمدينة 6 أكتوبر، والتي وصفها بأنها "روح الزمالك وأمله في المستقبل".

مرتضى وراء الأزمة

وقال أديب خلال برنامجه الحكاية المذاع عبر قناة MBC مصر: "المجلس الحالي جاء بعد مجلس دمار وخراب هو مجلس مرتضى منصور، والناس لازم تعرف أن اللي قدّم البلاغ ضد أرض أكتوبر هو مرتضى نفسه. أنا مش بخاف منك يا مرتضى.. أنت وقراراتك دمّرتوا النادي، ومرتضى منصور فكرة يجب أن تموت".

نداء إلى الدولة

ووجّه أديب رسالة مباشرة للقيادة السياسية، قائلاً: "أناشد رئيس الجمهورية ورئيس الحكومة التدخل لحل أزمة أرض الزمالك بما يخدم مصلحة النادي الزمالك مش نادي عادي، ده مؤسسة من مؤسسات الدولة وتاريخه ممتد من 1911 إحنا مش طالبين استثناء ولا خروج عن القانون، إحنا عايزين حق النادي يترد".

أرض أكتوبر هي الأمل

وتابع: "الأرض دي مش معمولة علشان تبقى كمبوند.. دي أمل الزمالك للاستثمار والنهوض من جديد. المجلس الحالي بيحاول يقف على رجليه وسط ديون ومشاكل سببها مجلس مرتضى السابق. اصبروا على الناس شوية وسيبوا الأرض للزمالك يبتدي بيها".

واستطرد أديب: "من إمتى الناس بتتخاطب بالطريقة اللي بيتكلم بيها مرتضى؟ أسلوب لا يليقرواللي لازم الكل يعرفه إن الزمالك بيسدد دلوقتي تمن قراراته الخاطئة، من صفقات فاشلة وديون ضخمة".

وكان مجلس إدارة الزمالك الحالي قد أعلن الجمعة عن تقديم عدة شكاوى رسمية للنائب العام ضد مرتضى منصور، متهمًا إياه بارتكاب مخالفات مالية خلال فترة رئاسته للنادي.

واختتم أديب تصريحاته قائلًا: "أرض أكتوبر دي مش أرض عادية، دي روح الزمالك ومستقبله  الزمالك لازم يعيش، ومرتضى هيتسجن تاني أنا مفوض من جمهور الزمالك أطالب الدولة بحماية النادي وأرضه، علشان يفضل واقف على رجليه".